Brigada Balaod

Gusto i-claim ang benefits sa SSS

Dear Atty. V,

Ang akong ig-agaw ba, namatay. Dili sila kasado sa iyang kapuyo. Apan karon ang iyang kapuyo ang nagpursiger nga mokuha sa iyang benefits sa Social Security System o SSS. Buot nila nga magpa-late register og certificate of marriage aron kuno maoy ipakita nila sa SSS nga kasado gyod sila. Mahimo diay na Atty.?

****

Dear Texter,

Bisan kon tinuod mahimo ang late registration sa usa ka kaminyoon, kon wala gayoy nahitabo nga kaminyoon, dili mahimo magpa-late registration. Usa sa mga dokumento nga pangitaon sa Local Civil Registar mao ang affidavit sa solemnizing officer. Tungod kay wala man gyoy kaminyoon nga nahitabo, ang maong solemnizing officer mahimong ma-prosecute og perjury.

Ang mahimo sa kapuyo sa imong ig-agaw, dangop sa SSS aron pagpangutana unsay mahimong replacement sa Certificate of Marriage. Pero sa akong tan-aw wala gayoy replacement niini ug dili gayod siya makakuha sa benefits unless gilista siya sa records sa maong SSS member.

Hinaot nakatabang kini kanimo.

– Atty. V

****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published.

This site uses Akismet to reduce spam. Learn how your comment data is processed.