Bisaya Magasin

Gikalitan og buhi sa abogado

Dear Atty. V,

Nadasig ko pagpangadangat aning akong sulat-suliran kay nakabantay ko nga unlike sa ubang mga naghatag og legal advice sa print ug broadcast media, dili ka mahadlok mo-tackle sa issue sa attorney-client relationship. Ang ako man gong problema Atty., bahin sa akong former lawyer. Gikiha man god ko og estafa Atty. V, bali og 2 million ang gi-allege. Mao tong miduol ko sa usa ka abogado nga tawgon lang nato nga Atty. X. Karon mi-charge siya og 300k isip acceptance fee. Duna man koy dala nga 50k at that time, akong gi-downpayment niya. Mi-file siya og entry of appearance. Gitagaan ko niya og lima ka adlaw para ma-kompleto ang 300k unya nagdahom ko nga makahulam ko sa 250k mao tong misugot ko. Wala man ko ka-raise gyod sa kwarta Atty. Mao to sa ikanapulo nga adlaw, deadline sa pagtubag sa subpoena miadto ko sa iya office nanghangyo intawon. Naunsa ba iya man nuon ko gipapirma nga mo-withdraw siya. Unya giulian ra kog 5k sa 50k kay mao gyod kunoy balaod ninyong mga abogado. Ang akong mga pangutana Atty. mao kini: Makataronganon ba nga mibiya siyag kalit nako? Tinuod ba nga 10% ra sa downpayment ang mauli kon moatras ang abogado? Wala man miy kontrata. Hinaot matabangan ko nimo. Si Baby ni.

****

Dear Baby,

Kay wala man moy written contract, quantum meruit ang angay tumanon sa inyong sabot.

Of course katungod na niya nga moatras kay wala man ka maka-comply sa kulang nimo nga obligasyon. Unfair pod kaayo nga mopadayon siya.

Apan unfair usab nga 10% ray iya giuli sa imo, considering nga entry of appearance ra ug withdrawal of appearance ang iyang nahimo. Bisan na man lang unta og katunga sa 50k ang iyang giuli.

In any case, mahimo kang modangop sa Integrated Bar of the Philippines aron makoreksyonan ang gihimo ni Atty. X.

Hinaot nakatabang kini kanimo.

– Atty. V

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published.

This site uses Akismet to reduce spam. Learn how your comment data is processed.