Brigada Balaod

Dili i-release ang sakyanan

Dear Atty. V,

Ako diay si Mercy. Duna koy kapuyo nga si Raul, Atty. V, ug niadtong pagbali sa tuig naglalis mi sa gamay ra god kaayo nga rason. Ang resulta, mibiya siya sa among gipuy-an, gidala ang sakyanan nga bisan siyay nagbayad, naa sa akong ngalan. Karon tungod tingali kay kusog kaayo siya og dagan, duna siyay nadam-agan ug mao to nga gidakop siya ug gipasakaan og kaso. Amo na lang gi-settle ang kaso Atty., apan napasaka na sa korte. Karon buot unta namo nga kuhaon ang sakyanan gikan sa mga pulis apan dili man nila i-release? Unsa may angayan buhaton aron ma-release to? Salamat.

*****

Dear Mercy,

Ang maong sakyanan in custodia legis o naa sa kustodiya sa balaod, kay gamitonon man kini nga ebidensya sa kaso batok sa imong kapuyo. Sa ato pa, hangtod ma-final ang kaso, gikinahanglan nga ang maong sakyanan magpabilin nga naa sa kustodiya sa balaod. Kini maoy rule nga gisunod sa Supreme Court sa daghan nang kaso nga susama niini.

From a layman’s point of view, ingon ani siya nato masabot. Kay gamiton man isip ebidensya ang sakyanan, nan, dili mahimo nga dunay bisan unsa nga kausaban niini samtang wala pa kini matan-aw sa korte ug matimbang-timbang ang bili niini isip ebidensya. Ang mas prudent course of action mao nga kuptan usa kini sa balaod samtang wala pa mahuman ang kaso. Kini maoy risgo kon kita nga third party nagpagamit sa atong sakyanan sa ubang tawo. (Although, sa imong sitwasyon, iyaha man gyod na sa imong kapuyo ang maong sakyanan kay siya man kahay nagbayad ana.)

Ang labing maayo ninyong buhaton, ipa-set for hearing ninyo ang kaso aron i-arraign ang imong kapuyo. Human sa arraignment, kay na-settle na man ninyo ang kaso, ipa-final dismissal kini ug human sa 15 ka adlaw, maka-file na kamo og motion para ma-release ang sakyanan.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.