Brigada Balaod

Iyang ngalan gigamit pag-utang og motor

Dear Atty. V,

Mangayo unta ko og advice bahin aning akong kahimtang ron. Nangutang ang ako ig-agaw og motor Atty., unya ang akong ngalan ang gigamit. Unya na-impound ang motor kay no parking violation ang akong ig-agaw. Iyang gipahibawo ang kompaniya nga iyang giutangan nga iya na lang daw ipabira gikan sa impounding area kay dili na lang siya motiwas og bayad. Karon ako man nuoy gipadalhan sa kompaniya og demand letter kay kasohan kuno ko. Makasohan ba ko Atty.? Si Ireneo ni.

*****

Dear Ireneo,

Yes, ikaw gyoy makasohan niana kay imo man ang ngalan nga naa didto sa kompaniya. As far as they are concerned, walay labot ang imong ig-agaw bisan pa kon ang imong ig-agaw maoy actual nga nagbayad sa motor.

Sa imong pag-utang sa motor, lakip sa imong gipanumpaan nga segurohon nimo nga walay mahitabo sa motor. Tungod kay na-impound man kini, obligasyon nimo nga kuhaon usa kini sa impounding area. Dili mahimo nga ang imong ig-agaw, nga wala gali sa papeles ang ngalan, maoy moingon sa kompaniya nga kuhaon na lamang ang motor didto sa impounding area kay dili na siya modayon og bayad.

Husaya na lang na sa traffic management office sa inyong lungsod o dakbayan aron makuha na nimo ang motor ug makalikay ka og problema.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.