Brigada Balaod

Gusto usahon pagkiha

Dear Atty. V,

Tawga lang ko sa ngalang Helen. Usa ko sa mga nailad sa usa ka nagpakaaron-ingnong manghimoay og multicab Atty. Nakabayad ko pero wa gyoy nabutho nga multicab. Karon naka-contact ko sa ubang mga nailad unya ganahan mi mokiha nga usa ra aron mapriso gyod siya. Apan matod sa pulis dili kuno pwede kay lain-lain mig gipuy-an. Unsa man diay basehan sa pagkaso sa criminal case, Atty., ang pinuy-anan diay? Dili diay mahimo nga usahon ra namo pagkiha?

*****

Dear Helen,

Sa kasong pagpangilad, sama anang inyoha, ang kaso adto ipasaka sa dapit diin ang usa sa mga elemento sa krimen nahitabo. Tingali mao ni giingon sa pulis nga lain-lain man mog pinuy-anan. Kini tinuod kon didto mos inyong pinuy-anan dihang nagkasabot mo nga mobayad, o didto ninyo gi-transfer ang bayad.

Hinaot nakatabang kini kanimo.

– Atty. V

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published.

This site uses Akismet to reduce spam. Learn how your comment data is processed.