Brigada Balaod

Pugson pagpa-resign

Dear Atty. V,

Atty. V naa lang unta koy pangutana. Gipugos ko karon pagpa-resign sa akong agency. Dili nila ihatag ang akong sweldo kon dili ko mo-submit og resignation letter. Tulo pa ko ka bulan sa ilaha unya ang akong sala kay bisan wala ko tugti nga mo-absent mi-absent gyod ko kay nasakit ang akong anak. Dili nila dawaton ang certification sa doktor nga mikonsulta gyod ko kuyog ang akong anak. Mangutana unta ko kon angayan bang mo-resign ko. Salamat. Si SG Charlene ni.

*****

Dear SG Charlene,

Ayaw pag-resign. Sa akong tan-aw ang imong pag-absent justified, o bisan pa og dili, dako ra pod kaayo ang penalty nga pagtangtang nimo sa trabaho.

Ang pagpa-submit nimo og resignation letter paagi lang nila aron dili ka makakiha og illegal termination. Kana nagpakita nga nasayod sila nga posibleng adverse kanila ang desisyon sa Labor Arbiter kon magkinahaay man.

Wala pod silay katungod nga mo-hold sa imong sweldo tungod lang kay wa pa ka mosumiter og resignation letter.

Ang mahimo nimo dangop sa Regional Arbitration Branch sa National Labor Relations Commission sa inyong lugar aron mapugos sila pagbayad sa imong sweldo. Kon tangtangon na gyod ka nila lain na pod kanang kaso.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.