Brigada Balaod

Wala sweldohi sa contractor

Dear Atty. V,

Naa lang unta koy pangutana nimo kabahin ning amo amo nga contractor. Subcontractor ni siya. Wala pa mi niya sweldohi kay matod pa niya wala pa kuno siya bayri sa kompaniya. Kon among suktan iya lang mi saad-saaran.

Nasuko na kaayo ang ako duha ka kauban kay ngano nga dili man magbayad sa amo nga nahuman na man ang among gitrabaho. Palihog Sir tambagi mi kon unsay angay namong buhaton. Si Alberto ni.

*****

Dear Alberto,

Tukma ang imong mga kauban nga angay na mong sweldohan kay human na man ang inyong trabaho. Nga wala pa siya bayari sa kompaniya dili niya mahimong rason. Gali kini timailhan nga basin siya usa lamang ka labor-only contractor kay kon dili pa nganong dili man siya makasweldo ninyo. Kining labor-only contractor gidili sa balaod.

Ang akong isugyot dangop kamo sa Regional Arbitration Branch sa National Labor Relations Commission ug iapil pagkiha ang main contractor. Nianang paagiha mapugos sila pagbayad sa inyo sa inyong sweldohanan ug uban pang benepisyo.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.