Brigada Balaod

Napamabdosan sa minyo

Dear Atty. V,

Tawga lang ko sa ngalang Angel. Ang akong problema Atty. V, kabahin aning akong gisabak karon. Ang amahan man god ani Atty. dakong minyo. Nakahibalo na baya ko nga minyo siya pero kini laging duna tay mga panginahanglan. Karon kay giadto kos amo sa iya asawa unya giingnan nga ikiha ko kay ebidensya daw kuno nga naa miy relasyon sa iyang bana nga napamabdosan ko. Ang akong mga pangutana Atty. mao kini: Unsa may makiha sa akoa? Makapyansa ba ko? Dako bag tsansa nga mapriso ko? Makatabang ba sa akong kaso nga dili nako angkonon nga nasayod ko nga minyo siya? Mas maayo kaha nga dili na lang nako ipa-recognize sa iyaha ang bata? Salamat.

*****

Dear Angel,

Ang mahimong ikiha sa asawa sa nakapamabdos kanimo mao ang psychological violence in conspiracy sa iyang bana. Bailable na. Apan gamay kaayo og tsansa nga moabot na sa korte, samot na nga mapriso ka.

Bisan kon dili nimo angkonon, apan ang tinuod niana nasayod ka nga minyo siya.

Sa pagpa-recognize sa bata hunahunaa nga ang bata duna poy katungod nga mailhan ug ilhon ang iyang amahan. Sa akong tan-aw gamay ra kaayo og epekto sa kaso kon ipa-recognize man nimo ang bata.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published.

This site uses Akismet to reduce spam. Learn how your comment data is processed.