Brigada Balaod

Kalabot sa SSS

Dear Atty. V,

Mangutana lang unta ko nimo mahitungod sa SSS pension sa among amahan. Amo unta i-claim sa managsoon baya buhi pa ang among inahan. Apan miingon ang among inahan nga dili na siya manghilabot sa pension amoa na lang daw sa mga anak. Karon ang SSS daghan kaayo sila kuskos-balungos daghan kaayo og requirements. Wala man untay laki ang among mama pahimoan daw og affidavit nga naa daw laki. Naglibog mi ka-Brigada. Hinaot nga imo ming matabangan kon unsay among buhaton.

*****

Dear Texter,

Ang gipangayo sa Social Security System in compliance lang sa ilang mga regulasyon. Kini tungod kay ang inyong inahan ang primary beneficiary sa inyong amahan. Bisan moingon siya nga dili na siya manginlabot sa pension, apan ang iyang pagka-primary beneficiary tungod sa balaod. Ang rason nganong nangayo og affidavit ang SSS nga dunay kapuyo ang inyong inahan aron ma-disqualify siya ug maadto sa secondary beneficiary or beneficiaries ang angay madawatan gikan sa SSS.

Apan kon imong hunahunaon, bakak nga moingon mo o ka nga may laki ang inyong inahan kay wala man gyod kaha.

Labing simpleng paagi tingali, ipadawat na lang na sa inyong inahan unya siya na lay mohatag sa inyo.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.