Brigada Balaod

Wala nay trabaho ang contractor

Dear Atty. V,

Mangutana lang unta ko. Ang akong amahan nagtrabaho sa una dayon karon wala na kay wala na dawy project ang contractor. Unya wala gyod tagai bisag gamay na lang nga pabalon ang akong amahan. May katungod ba ang akong amahan nga mangayo og pabalon? Dili siya regular, ang ako papa labor, PHP 300.00 ra ang adlaw. Si Eddie ni.

*****

Dear Eddie,

Sagad sa mga trabahante sa mga contractor kun kontratista mga project employee, ug ang ilang employment mahuman sa proyekto. Walay gibutang sa balaod nga angay sila bayaran og separation pay. Gani sa Department Order No. 19, series of 1993, Guidelines Governing the Employment of Workers in the Construction Industry, specific kaayo nga walay separation pay ang usa ka project employee (tan-awa ang Section 3.2).

Hinuon, kanang PHP 300.00 nga sweldo matag adlaw ubos kaayo sa minimum dinhi sa Dakbayan sa Sugbo nga PHP 404.00 sukad niadtong Enero 2020. Kini maoy mahimo niyang ireklamo sa Regional Arbitration Branch (RAB) sa National Labor Relations Commission (NLRC).

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.