Brigada Balaod

Gi-hack ang wifi sa silingan

Dear Atty. V,

Tawga lang ko sa ngalang Ivan. Ingon ani man god, Atty. V, work from home ko isip video editor. Mao nga ang akong broadband connection top of the line gyod ug super paspas. Ang wala lang nako mahibaw-i, Atty., na-hack diay sa among silingan ang akong wifi password ug naka-log in siya. Mao tong perting kuganga nako nga giadto kos taga-__________________ ug gi-search ang ako computers. Maayo gali kay ila nakit-an nga dunay laing computer nga naka-connect sa ako wifi ug maoy ilang gidakop ang akong silingan.

Nahasol gyod ko sa nahitabo Atty. Ang akong uyab nga law student miingon nako nga nuisance kuno ang nahitabo kay naa kunoy example ang ilang professor nga ingon ana. Buot unta ko mahibalo Atty. ug makakaso ba ko og nuisance sa akong silingan, ug unsaon man pod pagkiha niana. Salamat kaayo.

*****

Dear Ivan,

Ang mas haom nga ikaso sa imong silingan mao ang krimen nga Illegal Access nga anaa makita sa Section 4(a)(1) sa Republic Act No. 10175 kun Cybercrime Prevention Act of 2012. Ang maong krimen may silot nga prision mayor (6 ka tuig 1 ka adlaw ngadto sa 12 ka tuig) o multa nga dili momenus PHP 200,000.00 ngadto sa pilay damage nimo, o ang duha. Ang unang lakang nimo mao ang pag-file og complaint-affidavit sa prosecutor’s office sa inyong lugar.

With all due respect sa imo uyab, dili ko makakita og nuisance sa maong sitwasyon. Ubos sa Article 694 sa Civil Code:

ARTICLE 694. A nuisance is any act, omission, establishment, business, condition of property, or anything else which: (1) Injures or endangers the health or safety of others; or (2) Annoys or offends the senses; or (3) Shocks, defies or disregards decency or morality; or (4) Obstructs or interferes with the free passage of any public highway or street, or any body of water; or (5) Hinders or impairs the use of property.

Bisan kon morag masulod sa (5) sa maong depinisyon ang gibuhat sa inyong silingan, ang impairment sa imong paggamit sa imong wifi connection (nga usa ka property) negligible. Ang imong kahasol dili tungod mismo sa iyang pag-access sa imong system, apan tungod kay gianha ka og law enforcement.

Hinaot nakatabang kini kanimo.

– Atty. V

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.