Brigada Balaod

Obligasyon sa kompaniya kon masakit ang trabahante

Dear Atty. V,

Tigpaminawan ko sa Brigada News FM. Tawga lang ko sa ngalan nga GC. Mangutana lang unta ko kon tinuod ba nga dili makatabang ang among agency og mangasakit mi sa trabaho? Bugtong ang Social Security System ra kuno maoy makatabang ug mangasakit mi. Mao man god nay pulong sa among manager sa agency Atty. V. Naa kuno sa balaod nga dili sila makatabang.

*****

Dear GC,

Tinuod nga walay obligasyon ang agency nga motabang kon masakit ka. Apan duna silay obligasyon nga mag-report kanimo isip employee ug mobayad sa ilang share sa contribution ngadto sa Social Security System (SSS). Sila usab ang dunay obligasyon nga mo-report sa imong work-related sickness ngadto sa SSS aron ma-process kini sa Employees Compensation Commission (ECC), ang ahensiya nga maoy nag-administer sa employees compensation program. Kon wala kini nila himoa, sila ang makabayad.

Dili tanang pagkasakit bayaran. Kato lamang naa sa lista sa ECC alang sa imong specific occupation, o, ubos sa increased-risk theory, makapakita ka nga mas midako ang tsansa sa imong pagkasakit sa ingon tungod sa imong trabaho.

Apan wala ni magpasabot nga gidid-an ang imong agency sa pagtabang, kon buot silang motabang. Sa ato pa sayop ang pag-ingon nga dili sila makatabang; hinuon, wala silay obligasyon motabang.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog. Walay bayad ang pagtubag sa inyong mga pangutana. Kanunaya lamang ang pagpalit sa atong Brigada Newspaper.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.