Brigada Balaod

Walay 13th month pay ug benefits

Dear Atty. V,

Maayong buntag diha Atty. Nakita nako sa Brigada Newspaper ang imong number. May ipangutana unta ko Sir. Usa ko ka construction worker sa usa ka sub-contractor. Sir may katungod ba ang contractor namo nga dili mi hatagan og 13th month pay nga wala man mi mourong og trabaho bisan og pandemic kay gi-quarantine man mi?

Unya niadtong miaging Sabado gipabale lang mi, kulang ang sweldo namo. Wala gali mi tagaig rason nganong kulang ang sweldo. Usa pa tinuod ba nga dili magkinahanglan og SSS, Pag-IBIG ug PhilHealth kon subcontractor ra?

Daghan kaayong salamat.

***

Dear Texter,

Ang tanang rank-and-file nga empleyado sa private sector, sama nimo, entitled sa 13th month pay. Walay katungod ang inyong sub-contractor (ang tinuod ninyo nga employer) nga dili mo hatagan og 13th month pay. Bisan gali kon naurong ang inyong trabaho, naa pa gihapon moy katungod sa 13th month pay, apan pro-rated, sa ato pa, base lamang sa pipila ka bulan mo nagtrabaho.

May responsibilidad usab ang inyong employer nga sweldohan mo og sakto. Ang giingon sa balaod, dili mahimong mas dugay pa sa kinsena ang pagpanweldo. Apan kon ang naandan sa inyong opisina sinemana, obligasyon nila nga mosweldo ninyo og sakto matag semana. Dili mahimong pautangon lang mo.

Lastly, bisan sub-contractor ang inyong employer, naa gihapon silay obligasyon nga mo-report ninyo sa Social Security System (SSS), Home Mutual Development Fund (Pag-IBIG) ug Philippine Health Insurance Corp. (PhilHealth). Mao galing gitawag ni og statutory benefits ang tulo kay ang balaod ang nag-ingon nga required ni sila.

Alang sa inyong 13th month pay ug kulang sa sweldo, adto mo dangop sa Department of Labor and Employment (DOLE). Alang sa concern sa statutory benefits, adtoa ang respective offices.

Hinaot nakatabang kini kanimo.

– Atty. V

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.