Brigada Balaod

Di mobayad og 13th month pay ang amo

Dear Atty. V,

Maayong buntag diha. Naa lang unta koy pangutana. Duna na ko nagsunod aning imong lindog. Nagtrabaho ko sa usa ka bakery. Three years nako nagtrabaho dinhi sa Sugbo. Di lang nato nganlan ang bakery. Una namong nadawat sa pasko Attorney 1,000 unya pagka sunod pasko 1,500. Unya karon nangutana mi ba og naa na ba mi 13th month pay kay naa na mi permit. Giingnan ra man mi nga small company ra mi ug usa ra ka company. Sakto ba ni iyang rason Attorney. Hinaot matambagan mi nimo. Junjun ni.

***

Dear Junjun,

Ang mga rank and file nga empleyado sama nimo entitled sa 13th month pay.

Dili tinuod ang giingon sa imong amo nga wala silay obligasyon kay gamay ra sila nga kompanya. Wala kini nga exception ubos sa balaod.

Mahimo kang modangop sa Department of Labor and Employment (DOLE) aron matabangan ka. Hinumdomi nga ang prescriptive period sa money claims sama sa 13th month pay bali og tulo ka tuig lamang. Makapangayo pa ka sa imong 13th month pay alang sa 2018.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.