Brigada Balaod

Dismissed without prejudice of refiling

Dear Atty. V,

Usa ko sa nagpuyo isip squatter sa usa ka dakong luna dinhi sa siyudad sa Sugbo.

Niadtong Marso, sa wala pay lockdown, nakadawat mi og summons kay papahawaon mi sa maong luna. Kay wala man mi ikabayad og abogado, ang anak sa among silingan nga nakaeskwela og duha ka tuig sa abogasya apan naundang maoy miandam sa amo balos. Katulo nag-hearing pero wala gyod pakita ang kontra. Giingnan mi sa anak sa among silingan nga gi-dismiss without prejudice ang kaso. Amo siyang gipangutana kon unsay gipasabot ana siya apan miingon lang siya nga pwede pa i-refile ang kaso.

Ingon ana diay na Attorney? Ma-refile ang kaso bisan og wala mopakita ang nagkiha?

Unsa may advantage namo og mokuha gyod mi og tinuod nga abogado? Kay nagduda gyod ko nga kamao ning anak sa among silingan.

Si Marett ni.

*****

Dear Marett,

Sakto ang anak sa inyong silingan nga pwede i-refile ang kaso kon dismissed without prejudice of refiling ang hukom sa korte. Kani usually mahitabo kon sama sa inyong sitwasyon wala gayod magpakita ang mikiha ninyo. Human mo nakabalos, ang sunod nga lakang ana mao ang pre-trial conference. Usa sa ground sa dismissal mao ang absence sa nagkiha panahon sa pre-trial conference. Most likely mao ni nahitabo sa inyoha. Discretionary sa korte kun makabuot ang korte kon ang dismissal with or without prejudice ba.

Bisan nagduda ka sa abilidad sa imong silingan, tataw nga nakapadaog siya sa inyo kaso. Angay tingali nimo siya tagaag saktong respeto niini nga punto.

Hinuon, mas maayo gyod nga sa sunod higayon ikiha mo, tinuod ug lisensyadong abogado ang inyong duolon. Kini tungod kay ang mga abogado dunay pinanumpaan, ug maninguha gyod nga tarong ang representation, otherwise, pwede makiha sa Supreme Court ug matangtangan sa lisensya.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.