Brigada Balaod

Ipauli ang computer

Dear Atty. V,

Ako diay si Giselle. Nagtrabaho ko og call center unya pag-lockdown ila gipadala namo ang computer set nga maoy amo gigamit sa mga tawag. Nag-work from home na mi. Two months ago, nanira sila apan wala sila mo-demand nga iuli ang computer. Mao to nga kay wala na may gamit sa akoa ang computer, akong gibaligya.

Karon Attorney, naa may abogado nga misulat nako og demand letter kay ipauli kuno ang computer. Mahimo diay na Attorney nga nanirado na man ang kompanya? Unya wala man ko nila bayari sa akong separation pay, di diay to pwede ihapak ang balor sa computer sa akong separation pay?

Daghang salamat.

***

Dear Giselle,

Abi tungod kay wala sila mo-demand nga iuli ang computer human gayod nanira sila, wala magpasabot nga ila na kadtong gihatag nimo, gawas na lamang kon tataw ang ilang pagkasulti. Nagpabilin nga ila sa kompanya ang maong butang, bisan pa, gani labi na, kon mideklara sila og pagkabangkarota.

Sa ato pa duna kay obligasyon nga iuli kadto, ug kon di nimo kadto mauli, Qualified Theft ang imong kaso. Ang akong sugyot hangyoon mo ang abogado nga iuli mo na lang ang balor sa computer kay imo na man kaha kadtong nabaligya.

Lahi nga isyu ang imong separation pay. Kon mideklara sila og pagkabangkarota, wala gani kay mapaabot nga separation pay.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.