Brigada Balaod

Plead guilty sa mas ubos nga sala

Dear Atty. V,

Ako diay si James. Dugay na gyod kong nagsunod niining inyong kolum kay daghan kaayo kong makat-onan. Frustrated lawyer man god ko Torni. Buot gyod ta ko mag-abogado pero nakapaburos kos akong uyab pag-college ug the rest is history – naminyo, nakaanak, nagaid sa kalisod, ug karon tingali nga makadaog ko sa lotto mao ra gyoy akong tsansa nga makahaw-as ko sa kalisod.

Anyway, ang akong pangutana mao kini. Di ba mitigating circumstance man na ang voluntary plea of guilt? Nganong dihang gikiha ko og Less Serious Physical Injuries, unya mi-plead guilty ko sa Slight Physical Injuries, gi-sentensiyahan man gihapon ko og 11 ngadto sa 20 ka adlaw nga pagkabilanggo? Dili ba ang penalty sa Slight Physical Injuries arresto menor, unya kay voluntary man ang ako plea og guilt, so dapat ang minimum term sa arresto mayor ang i-impose sa akoa? Then considering the Indeterminate Sentence Law, ang minimum sa ako penalty kuhaon sa lower degree?

Hinuon moot na ni kay na-serve na nako ang ako penalty.

Pasensya gyod kaayo Attorney nga daghan kong pangutana. Buot man god unta ko nga mangutana ani sa Public Attorney pero morag busy man siya.

****

Dear James,

Unahon sa nakog tubag ang pangutana nimo bahin sa Indeterminate Sentence Law kun ISLAW. Tungod kay ang penalty proper sa Slight Physical Injury, arresto menor man o 1 to 30 days nga pagkabilanggo, dili mo-apply ang ISLAW. Kinahanglan ang maximum term sa pagkabilanggo molapas og usa ka tuig aron masulod sa ISLAW.

Karon sa imong pangutana nganong wala gi-appreciate ang mitigating circumstance nga voluntary plea of guilt. Kini tungod kay matod sa jurisprudence, ang voluntary plea of guilt, para ma-appreciate isip mitigating circumstance, kinahanglang plea ngadto sa original Information. Sa ato pa, ma-appreciate lamang ang imong voluntary plea of guilt isip mitigating circumstance kon mi-plead guilty pa ka sa Less Serious Physical Injuries. Apan mi-plead guilty ka sa Slight Physical Injuries, nga dili mao ang original charge. So dili ma-appreciate ang imong boluntaryong pag-angkon isip mitigating circumstance.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.