Brigada Balaod

Wala motunga sa mediation

Dear Atty. V,

Ako diay si James. Nadisgrasya ko niadtong miaging tuig unya nagbinaslanay mi og kiha sa nakadisgrasya nako kay mipasangil siya nga ako sala. Dihang napildi sila sa fiscal ug sila maoy gikiha sa korte, mibalos pod sila og civil case batok nako. Pwede diay na Attorney? Unya nganong mas paspas man ang ilaha kaso kay sa amoa?

Mibalos mi didto sa civil case pero kami-kami ra ang nagdukdok kay di man mi ka-afford og abogado. Unya napadalhan ko og notice of mediation pero wala ko katunga kay dia na man ko sa Bohol karon nagpuyo og di ko ganahan moanha sa Cebu kay i-quarantine inigbalik sa Bohol. Karon lang bag-o nadawatan namo ang order nga dili na i-entertain ang amoang counterclaim.

Sakto diay ni Attorney? Unsa may angay namong himoon? Salamat.

***

Dear James,

Separate cases ang criminal ug civil actions busa mahimong simultaneous sila. Apan sa inyong sitwasyon diin kamo maoy reklamante sa criminal action ug kamo maoy respondent sa civil action, ang tukma unta ninyong gibuhat mao nga gi-raise ang pendency sa criminal action didto sa civil action aron i-suspend lang usa ang naulahi.

Tingali morag mas paspas ang civil case batok sa inyo kay lahi kini og korte nga nalabayan. May lain-laing case load ang matag korte. Siyempre ang korte nga may taas nga case load mas hinay ang dagan sa matag kaso.

Wala pa ko kasugat og ingon ana ka-drastic nga sanction tungod sa pag-absent sa mediation although I admit morag allowed na sa rules.

Ang labing maayo nimong buhaton, duol og abogado. Kon wala gyod kay ikagasto, sulayi ang Public Attorney’s Office kun PAO, ang Integrated Bar of the Philippines kun IBP, o di ba kaha ang usa sa mga law schools sa Sugbo.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.