Brigada Balaod

Gihamag ang bata

Dear Atty. V,

Ako si Fredo taga San Fernando, Cebu. Atong Agosto, nag-birthday ang pag-umangkon sa pag-agawan sa akong anak (bali apo na nako). Kini gyod noong bataa medyo bus-okon og dughan ug may porma ang lawas. Sa siyudad ni nagdako apan nakauli diri sa San Fernando panahon sa lockdown.

Admitido ko nga hubog-hubog na ko ato, apan wala gyoy binastos sa ako gibuhat nga paggakos sa bata. Naunsa ba nga gikiha na man hinuon ko og child abuse.

Ang akong pangutana Attorney, maisyuhan ba ko og warrant niini? Makapyansa ba ko? Pila man sab? Salamat kaayo kay naglibog gyod ko ani.

***

Dear Fredo,

Wala nimo hisgoti unsa nga klase sa sexual abuse ang gipasangil batok kanimo. Most likely acts of lasciviousness in relation to R.A. No. 7610.

Ang acts of lasciviousness nagkinahanglan og lewd intent (binastos o malisyoso nga katuyoan). Kon ang imong gihimo paggakos lamang gayod, kay ang paggakos usa man ka kabahin sa atong kultura, walay acts of lasciviousness.

Hinuon, mahimong mapasaka gayod ang kaso batok sa imo ngadto sa korte kay probable cause ra may gikinahanglan sa prosecutor. Apan may tsansa ka nga modepensa didto sa korte.

Ang korte ang moisyu sa warrant. Most probably, bailable ang imong kaso. Depende kon unsay actual nga allegations, mahimong gikan sa 80 mil ngadto sa 200 mil ang imong pyansa.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.