Brigada Balaod

Papahawaon sa amahan gikan sa balay

Dear Atty. V,

Unsay katungod sa mga anak sa balay nga napatarok sa ilang ginikanan panahon sa kaminyoon sa naulahi? Ingon ani man god ang nahitabo Atty. Ang akong ginikanan nagbulag samtang ulitawhay pa ko kay labihan ka dukirok sa akong amahan. Apan sa wala pa sila nagbulag, nakapatarok na sila og balay sa yuta nga sinunod sa akong amahan sa iyang mga ginikanan. Pagbiya ni papa, napugos kog undang og eskwela aron makatabang og panginabuhi. Wala gyod ko kahumag eskwela tungod sa kalisod.

Karon lang gyong panahon sa COVID, namatay ang among inahan. Naunsa ba nga ang among amahan miingon man nga palayason mi sa balay kay iyaha kuno ang balay. Mao diay ni ang balaod Attorney?

**

Dear Texter,

Wala nimo hisgoti kon duna bay prenuptial agreement ang inyong ginikanan. I would presume nga walay prenuptial agreement; kon duna, mas komplikado ang sitwasyon ug kinahanglan gyod mo makigkita personal og abogado para ma-assess ang inyong sitwasyon.

Laing presumption mao nga walay laing common property ang inyong ginikanan ug wala usay separate property ang inyong inahan. Corrorarily, separate property sa inyong amahan ang yuta.

Sa ato pa, pagkamatay sa inyong inahan, ang katunga sa bili sa maong balay mao lamang ang iyang Estate. Ang pikas katunga, sa inyong amahan. Ang Estate sa inyong inahan bahinon kon pila mo ka buok magsoon plus one para sa inyo amahan.

Tungod kay ma-consider man nga builder in good faith ang inyo inahan, mo-apply ang balaod sa builder in good faith kaninyo isip eredero. May opsyon ang inyo amahan nga paliton ang inyong share sa balay, o ibaligya ang yuta sa inyo, apan ang ikaduhang opsyon dili available kon mahal ra kaayo ang yuta versus sa value sa balay, in which case abang na lang ug kon di mo magkasabot adto mos korte.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.