Brigada Balaod

Abangan sa pandemic

Dear Atty. V,

Naa unta koy ipangutana nimo kabahin sa amo landlord ba. Kato pagpandemic mipauli mi sa bukid ato sa Carcar pagka-Marso ngadto Hulyo. Agosto nami nabalik sa amo boarding house unya ang Mayo ug Hunyo wala mi nakaabang kay tayming nga wala pa gyod mi kabalik trabaho until now. Ako wala pay trabaho unya ang ako bana pag-last week pa nakatrabaho so nabitay napod mi sa abangan pero moabang mi niya inig ka-Sunday unya sakit naman kaayo siyag chat iya mi papahawaon kay lisod daw maghuwat siya sa wala. Kabalo gyod mi sa amo obligasyon unya dili pod mi modagan ana amo bayranan Atty. Ang ako pangutana is naa bay resolution or ordinance ana about mga nagpaabang ato pagpandemic? Pwede nako na siya mareklamo Atty.?

****

Dear Texter,

Matod sa DTI Memorandum Circular No. 20-29, June 2, 2020, sa panahon nga nag-ECQ, MECQ ug GCQ ang usa ka area, suspendido ang pagkolekta sa abangan. Unya gikan sa pag-lift sa GCQ ngadto sa MGCQ or sa pagbalik sa trabaho sa nag-abang, whichever is earlier, mosugod og ihap ang 30 days nga grace period. Human sa grace period ang mga wala nimo mabayri nga abangan bayaran nimo sud sa 6 ka bulan, staggered.

Ang kanang May ug June ninyo nga bayranan pwede na ninyo bayaran 6 months from October 1 kay nag-MGCQ ta ang Cebu City Sept. 1.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.