Brigada Balaod

Wala masumpay ang serbisyo

Dear Atty. V,

Dose ka tuig ko kapin nga guwardiya na-assign sa usa ka kompaniya. Niadtong 2015 mi-retire ang driver sa akong na-asaynan nga kompaniya unya kay nasuod na man ko sa manager sa kompaniya iya ko gi-offeran nga ako maoy mangaplay puli sa miretiro nga driver. Mao tong nagsumiter ko og application letter. Tuod man giingnan ko nila nga magsugod ko og trabaho Hunyo 1, 2015, Lunes. Pagka Sabado ana naggwardiya pa ko sa ila dayon Lunes driver na ko.

Karon Attorney moretirohay na pod ko. Ako untang gipa-compute pilay madawat nako nga retirement benefits. Miingon man ang HR sa amo company nga ang computation kuno magsugod lang niadtong June 1, 2015, dili niadtong 2003 pagsugod nako og trabaho isip guard. Dili diay to masumpay Attorney? Dako-dako baya pod og kalainan. Si George diay ni.

****

Dear George,

Dako-dako gyod og kalainan kay unless mas maayo ang inyo terms sa retirement benefits, ang imong madawat one half month salary for every year of service. Ang dose ka tuig nimo nga serbisyo bali pod og unom ka bulan nga sweldo.

Apan sa akong tan-aw wala kay katungod nga mo-demand nga isumpay o TACK IN sa balaod pa ang imong serbisyo isip driver sa earlier service nimo isip guard. Kini tungod kay managlahi man ang imong employer. Niadtong gwardiya ka, ang imong employer ang imong security agency. Karon kanang kompaniya. Sa ato pa managlahi gayod kini nga trabaho bisan pa kon nag-rest day lang ka og usa ka adlaw sa wala pa mobiya completely pagkaguwardiya aron magdriver.

Usa pa, apparently mi-apply gyod ka sa trabaho, which is an act synonymous to resigning from your old job.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.