Brigada Balaod

Di na iuli ang iro

Dear Atty. V,

Tawga lang ko sa ngalang Niño. Duna koy iro nga ginganlan og Brown. Laki ni siya. Karon ang among silingan dunay iro nga baye. Nagbiga ang baye so miadto si Brown kay binuhian ra man ni namo si Brown. Karon nagsige nag adto si Brown bisag wala na magbiga ang baye kay ila man pod pakan-on og lami. Hangtod nga di na nila papaulion ang akong iro. Akong giadto unya giingnan lang ko nila nga pakihaon lang. Nagplano ko nga ipa-barangay sila tungod sa dognapping. Pwede ba ni Attorney?

**

Dear Niño,

Sa akong tan-aw ang wala nila pagpapauli sa iro ug ang wala nila pag-uli bisag gipangayo na nimo nagpakita og intent to gain sa ilang habig. Sa ato pa kawat kadtong nahitabo kay bisan pag miyembro sa pamilya ang atong tratar sa atong mga iro, kabtangan ra man gyod sila sa mata sa balaod.

Walay kaso nga gitawag og dognapping.

Sakto ang buot mong buhaton nga magpahusay sa barangay apan theft ang angay nga sumbong.

Hinaot nakatabang kini kanimo, ug hinaot mabalik sa imo ang imo good boy Brown.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.