Brigada Balaod

Dili na isurender ang title

Dear Atty. V,

Tawga lang ko sa ngalang Godofredo. Lima mi ka buok magsoon unya patay na ang among ginikanan. May usa sila ka ektaryang luna nga titulado. Karon may gusto mopalit sa among yuta ug tungod kay dako man ang offer interesado ming magsoon except sa among kamagulangan nga ibaligya ang yuta. Ang abogado sa buot mopalit miingon nga ang 8,000 sq. m. na lay ila paliton pero gikinahanglan gihapon nga ang title ma-subdivide. Karon Attorney kay dili man ihatag sa amo eldest ang title. Kini maoy ako mga pangutana: Sa balaod, makabuot ba gyod ang eldest nga dili ibaligya ang yuta nga komon? Unsa may angay namong buhaton bahin sa titulo? Salamat kaayo.

***

Dear Godofredo,

Walay nahisulat sa balaod nga makapugong sa pagbaligya sa komon nga yuta ang kinamagulangang anak. Hinuon dili maapil sa pagbaligya ang iyang share.

Hinuon, kon wala pay nahitabong binahinay sa yuta bisan kon tudlo-tudlo lang, aliquot portion ra ang mabaligya sa matag tag-iya. Meaning, kamong upat makabaligya og 80% sa yuta, apan dili pa maklaro kon asa nga 80%.

Kon dili gyod mosugot ang imong igsoon nga bahinon ninyo extrajudicially ang yuta, mapugos gyod mo pag-adto sa korte. Apan makagasto gyod mo niana. Makapangayo mo sa korte og damages pero dili gyod na mosama kadako sa inyong magasto.

Mahimo sab mong mokonsulta personal og abogado aron matan-aw ang inyong mga papeles kay basin masulod mo sa Section 107 sa P.D. No. 1529, diin ipasurender sa korte ang titulo.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.