Brigada Balaod

Gikilkilan sa nagpailang pulis

Dear Atty. V,

Kining akong problema kabahin sa akong amahan. Medyo maldito man god ni siya. Two months ago, may mi-text niya nagpaila nga pulis ug miingon na naay warrant of arrest ang akong amahan. Ug nga magpa-money transfer lang og five thousand aron dili i-implement kay pandemic pa. Mao to gipadalhan ni papa pero wa ko kahibawo ato. Last month mao lang gihapon, busa nagpadala na pod si papa. Karon gitextan na pod siya ug nangayo na nako siya og bayad. Mao pay pagkahibawo nako. Unsay angay namong buhaton Attorney? Si Angel ni.

***

Dear Angel,

In all likelihood, wala gyod nay warrant of arrest ang imong amahan ug nagpakaaron-ingnong pulis ra na ang nangilkil sa iyaha. Dili na maoy batasan sa pulis.

Ang labing maayo ninyong buhaton, i-report na sa pulis sa inyong dapit aron ma-entrap. Bisan pag tinuod nga dunay warrant of arrest ang imong amahan, krimen gihapon ang gihimo anang nagtext niya.

Ang warrant of arrest adto ipadala sa mga pulis sa lungsod o dakbayan nga maoy giingong adres sa akusado sumala sa Information. Kon diha ra sa inyo ang gikabikil sa imong amahan walay rason nga laing adres ang ihatag alang niya.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.