Brigada Balaod

Obstruction of justice?

Dear Atty. V,

Naa lang koy pangutana bahin sa nahitabo sa akong amahan, Torni. Ako diay si Fe. Duna man god mi dugay na kaayo nga lalis kabahin sa yuta sa among pamilya, taliwala sa akong amahan ug sa iyang mga igsoon. Naunsa ba ning usa sa ako iyaan nga mipakatap mag estorya nga gilugos sa akong amahan ang akong ig-agaw. Gisakyan pod sa mayor sa amo kay kining ako amahan kapila na ni milansar batok sa mayor o sa iyang asawa. Mao tong gi-pick up gyod sa mga pulis ang akong amahan. Apan ang akong ig-agaw dili gyod mo-execute og complaint kay wala gyod kuno mahitabo ang giingon sa iyang inahan. Buot sa mga pulis nga akong iyaan na lang ang mo-execute og complaint apan di pod siya kay giingnan sa ako igsoon nga law student nga ikihag perjury. Karon ang mga pulis nasuko ikiha kuno mi og obstruction of justice kay gipugngan namo ang amo ig-agaw ug ang iyaan nga mokiha. Mapriso mi ani Attorney?

**

Dear Fe,

Ang obstruction of justice sa Pilipinas mabasa sa Presidential Decree No. 1829. Ang most likely nga form sa obstruction of justice nga isang-at batok kaninyo mao ang “preventing witnesses from testifying in any criminal proceeding or from reporting the commission of any offense or the identity of any offender/s by means of bribery, misrepresentation, deceit, intimidation, force or threats.”

Apan para nako, nga giingnan sa imo igsoon ang inyo iyaan nga mokiha mo og perjury og dayonon niya dili masulod sa intimidation, force or threat. Katungod man na sa imo igsoon nga mo-warn sa imo iyaan.

Kon mag-probable cause man gali, bailable ni nga kaso. Kon makombikto, maka-probation gihapon so dili mo angay mahadlok sa priso.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.