Brigada Balaod

Dugay nang bulag sa asawa

Dear Atty. V,

Mangutana lang unta ko. Naa koy higala 10 na sila ka tuig nga bulag sa iyang asawa ug karon naa na poy laing kapuyo ang iyang asawa. Naa na poy kapuyo ang akong higala. Buot unta nilang magpakasal sa iyang kapuyo. Pwede ba ba Attorney? Kay dugay na man silang bulag sa iyang asawa? Daghang salamat, si Joy ni.

*****

Dear Joy,

Sumala sa atong balaod, duha lamang ka sitwasyon nga mahimong makaminyo pag-usab ang usa ka lalaking minyo: (1) deklarasyon sa korte nga di balido ang unang kasal; ug (2) kamatayon sa iyang asawa (lakip na ang deklarasyon sa korte nga patay na kini, kon dugay nang wala igkita).

Sa ato pa, abi lamang dugay na silang nagbulag wala magpasabot nga wala nay bili ang ilang kasal ug mahimo na siyang makigminyo og lain.

Kon buhi pa gyod ang iyang asawa, mahimong mopasaka anang gitawag nga judicial declaration of nullity of marriage o mas nailhan nga annulment. Kini ubos sa Artikulo 36 sa Family Code.

Hinaot nakatabang kini kanimo.

— Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.