Brigada Balaod

Panag-iya sa kahoy nga naanod sa sapa

Dear Atty. V,

Tawga lang ko sa ngalang Vicente. Duna koy luna nga giagian sa usa ka sapa ug ang maong luna gitamnan nako og mga kahoy ingon man lubi. Tungod sa kakusog sa hangin ug baha niadtong sayong bahin ning bulana, nangaloka ang pipila ka lubi ug may mga kahoy nga nabali ang sanga. Naanod ang maong mga punoan sa lubi ug sanga sa kahoy. Sa dihang nalinaw na, akong gisubay ang sapa ug nakit-an nako nga gipundok na didto sa sunod barangay. Ako unta kining kuhaon apan dili mosugot ang nagpundok kay anod na kuno. Mao tong miadto ko sa kapitan sa ila barangay apan mao gyapoy giingon. Buot unta nakong makuha nako ang mga lubi ug kahoy Attorney or at least mabayran ko sa bili niini. Kinsa ba gyoy may katungod sa mga lubi ug kahoy nga naanod Attorney?

***

Dear Vicente,

Sumala sa Article 470 sa Civil Code, “Trees uprooted and carried away by the current of the waters belong to the owner of the land upon which they may be cast, if the owners do not claim them within six months. If such owners claim them, they shall pay the expenses incurred in gathering them or putting them in a safe place.”

Sa ato pa, kon wala pa nimo gi-claim ang mga punoan ug sanga unom ka bulan gikan sa pagbaha, maiya unta to sa nagpundok. Apan kay imo man gi-claim, imoha gyapon to. Sayop ang giingon sa kapitan sa imoha. Apan may obligasyon ka nga bayaran sa iyang kahago ang nagpundok.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.