Brigada Balaod

Giilad sa letson

Dear Atty. V,

Ako diay si Geralyn taga San Fernando. Niadtong miaging Sabado birthday sa ako bana maong nag-order kog letson sa ___________. Naunsa bang pagkaunsaa nga halos wala na may sulod. Gikuha gyod halos tanan sa sulod Attorney. Ang mga hinampak lang nakong pag-umangkon giingnan nakong ayaw usa og hamag kay akong picturan gilargog kunis-kunis ang letson maong wa na gyod mahitsura sa picture. Ang akong pangutana Attorney, unsa may tukmang kaso nga ako ipasaka batok sa nagbaligya sa letson? Daghan kaayong salamat.

***

Dear Geralyn,

Sa imong pagpalit sa letson, apil ang konsiderasyon nga sakto ang unod niini. Busa pangilad ang gihimo sa nagbaligya sa letson ug masulod sa Article 315 sa Revised Penal Code o sa susamang balaod.

Ang problema nimo kay gikaon man sa imong mga pag-umangkon ang ebidensya. Wa pa gyod ninyo makuhai og picture. Ang resulta niana karon di gyod mo ka-probar.

Sa sunod mas maayo nga adto ka palit sa kasaligan nga di gyod mangilad. Naa man gyod kas Minglanilla, sa A&R Lechon sa atong ka-Brigada nga si Arnel Pahanonot palit. Makontak siya sa cellphone number 0977-682-7236. Ingna diri nimo nabasahan ang iyang number.
Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.