Brigada Balaod

Pagpanag-iya sa isla

Dear Atty. V,

Ako si Teresa. Mangutana lang unta ko Attorney. Taga-____________ ko usa ka isla sa Bohol. Ang akong pangutana Attorney, matitulohan ba diay na ang isla? Kay naa man goy nagpaila diri sa amoa nga Atty. ______ ingon nga iya na kuno ang isla kay naa siyay titulo o deklarasyon. Salamat sa pagtubag Sir.

****

Dear Teresa,

Ubos sa Section 16 sa Revised Forestry Code, ang mga pulo nga ubos sa 250 ektaryas dili mahimong public land busa dili mahimong titulohan. Bisan giunsa nako og measure ang mapa sa inyong isla perte gyong gamaya niini batok sa 250 ektaryas. Sa ato pa ubos sa Forestry Code dili kini mahimong patitulohan, pero basin og dunay laing balaod o proklamasyon sa Presidente nga naghimong alienable and disposable sa maong isla. Ang labing maayong buhaton nimo mao ang pag-adto sa Community Environment and Natural Resources Officer (CENRO) nga may hurisdiksyon sa inyong isla aron matino unsay status niini.

Usa pa, walay nalista nga Atty. _______ sa talaan sa Supreme Court. Mahimog ma-confirm kon ang usa ka tawo naa ba sa opisyal nga talaan sa mga manlalaban sa Pilipinas sa https://sc.judiciary.gov.ph/lawlist

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.