Brigada Balaod

Laing ngalan ang gibutang sa resibo

Dear Atty. V,

Tawga lang ko sa ngalang Linda. Mangutana lang unta ko Sir. Ang ako amahan nakapalit og yuta. Ang ngalan nga gidala niya sa resibo sa yuta, _____________ XXXXXXXX. Apan ang tinuod nga bansagon sa amahan nako, YYYYYYYY. Balido ba kini Sir? Unya upat mi ka managsoon. Usa kanamong magsoon nagdala sa apelyidong XXXXXXXX. Siya ra ba ang makasunod sa yuta sa among amahan? Kinahanglan pa ba ipausab ni Papa ang apelyido niya sa palit sa yuta? Tambagi intawon ko Sir samtang buhi pa ang among amahan kay tiguwang na kaayo siya og dako na og edad, luyahon na. Palihog ko sa imong advice. Salamat, si Linda ni sa Talisay City.

***

Dear Linda,

Ang resibo sa pagdawat sa bayad sa yuta ebidensya lang sa pagdawat sa bayad, dili pa kini mao ang dokumento sa pagbalhin sa pagpanag-iya sa yuta gikan sa napalitan sa imong amahan ngadto sa imong amahan. Busa, ang mahimo ninyong buhaton mao ang pagpahimo og Deed of Sale gamit ang tinuod nga apelyido sa imong amahan aron mabalhin kaniya ang pagpanag-iya sa yuta. Kon dili mosugot ang nagbaligya sa yuta mapugos gayod kamo nga pagdangop sa korte aron mapwersa siya.

Kon simbako mawala ang imong amahan nga walay Deed of Sale nga nahimo, walay bisan kinsa ninyong magsoon ang makapanag-iya sa yuta. Magpabilin kini sa nagbaligya.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.