Brigada Balaod

Hit sa National Bureau of Investigation

Dear Atty. V,

Naa unta koy pangutana diha nimo. Naa koy violation sa municipal ordinance niadtong July 24, 2000, didto sa Mindanao. Napagawas mi sa abogado sa Public Attorney’s Office (PAO). Karon mikuha ko og NBI clearance diri sa Cebu dili pwede kay “hit” man ko. Wala ba diay to napapas nga naserbisyohan man to nako og usa ka semana sa prisohan? Daghang salamat.

*****

Dear Texter,

Matod pa, once a hit, lifetime a hit. Mao ni ang kasamtangang sitwasyon sa tracking sa National Bureau of Investigation (NBI). Bisan gali ako nga gi-tag tungod kay scholar ko sa kagamhanan panahon sa akong college years, mo-hit karon nga abogado na ko. Akong gisulatan ang NBI bahin niini, gi-attach ang akong clearance gikan sa government agency nga naghatag sa akoa sa scholarship, apan giingnan ra ko nga wala silay mahimo bahin sa ilang database. Ang sunod unta nga step niadto mao nga mag-file ko og petition for a writ of habeas data pero wala koy incentive kay anyway after one week makakuha ra man pod kog clearance.

Niadtong panahon nga si karon Sen. Leila De Lima ang justice secretary, dunay mga lihok nga usbon na ang sistema sa NBI. Apan walay nahitabo niadto.

Wala poy klaro nga pagtuon kong nakatabang ba gyod sa atong crime prevention and fugitive tracking ang sistema nato sa NBI. Pero hapit tanan gidawat na lang ang kamatuoran nga naa gyod kini. Kon gusto ka mausab kini nga sistema, mahimo tingaling sulatan nimo ang imong representante sa Kongreso.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.