Brigada Balaod

Patay na ang palitan nga maoy orihinal nga nagpalit

Pangutana:

Gd morning attorney,onsay paagi ani sa yuta na ako paliton patay na ang nakapalit.nya wala pa na transfer sa anak nya ila ibaligya pro wala pani na buak o nasukod ang taxpayer ani ang origenal pa na tag iya ako aunte. C boy ni torney. Salamat.

***

Tubag:

Kon dunay deed of sale gikan sa imong iyaan ngadto sa namatay, ang mga anak sa namatay mahimong mo-execute og extrajudicial settlement of estate with absolute sale pabor sa imoha, i-reference lang to ang deed of sale gikan sa imong iyaan ngadto sa namatay.

Kon walay deed of sale, kinahanglan usa na mohangyo ang mga eredero sa namatay sa imong iyaan nga i-ratify to ang pagbaligya, dayon sundon ang naa sa ibabaw.

Kon ang maong yuta wala pa mabahin ug wala pay klaro asa ang matag porsyon, I would advice nga di modayon kay perteng gubota ana nga sitwasyon.

Sa kapila na nakong balik diri sa column, kon magpalit og yuta, duol mo og abogado o real estate professional aron maproteksyonan ang inyong katungod.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.