Brigada Balaod

Parents’ consent

maayong udto atty. sa kasal bah ka nga parents of consent kailangan ba nga naa ang perma sa ginikanan before kaslon ang below 22 years old atty.?

***

Tubag:

Kon ubos sa 21 anyos, gikinahanglan ang parents’ consent sa pag-issue sa marriage license, ug kon walay marriage license, absolutely void ang kasal. Dili mapugos ang local civil registrar pag-issue sa marriage license kon walay parents’ consent ug kon moisyu gyod siya mahimo siyang administratively liable. Kon nadayon ang kasal kay nakakuha og marriage license, mahimo kining ipaanular sa ginikanan samtang wala pa moabot ang ilang anak og 21 anyos. Ang partido usab nga wala makakuha og parental consent, makapaanular sa maong kasal hangtod mag 26 anyos siya (5 ka tuig gikan nag 21) apan dili kini available kon nakigpuyo pa siya sa iyang kapikas bisan 21 anyos na siya.

Kon 21 anyos ngadto sa 25 anyos, parental advice ra ang gikinahanglan. Ang epekto i-delay ra ang pag-issue sa marriage license bali og 3 ka bulan gikan sa pagkakompleto sa pagpublikar nga bali og 10 ka adlaw. Mao na nga ang mga marriage license nga walay bikil iisyu 10 ka adlaw human sa unang adlaw sa pag-post sa lista sa mga application samtang ang walay advice 100 days (10 + 90) later pa.

Niadtong nag-edad og 18 ngadto sa 21 nga naminyo na og natapos na ang unang kaminyoon for whatever reason (whether namatay ang partner o naanular na), dili na kinahanglan ang parental consent.

As far as I know, walay tataw kon parental consent or advice ba ang pangayoon kon exactly 21 years old gyod ang usa sa mga partido pag-apply og marriage license. Balik na lang mo sunod working day aron parental advice na lang gyod.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.