Brigada Balaod

Bullying

Goodmorning. Attorney

________________ po taga San Fernando . Attorney mag pa advised ta ko nimo og pangutana nalang pud. About sa among problema . Ang among papa na stroke,dili ka lakaw,dili katabi og tarong karon among silingan . Ge away ang among mama kai tungod ra sa kanal . Unsa man na sulod sa utok iya man ge apil among papa . Iya me ge ingnan nga ge GABAAN KUNO MI KAY NA SAKIT DAW KUNO AMONG PAPA UNYA HAPIT NA KUNO MAMATAY . PINA AKSYON PA OG KILL SIGN ATTORNEY.naka kita ang akong duha ka manghud ang isa menor de edad na shock og perting hilak . Hasta akong papa naka hilak jud nga iya ne na dugaan . Mga pulonga.

Akong pangutana . ATTORNEY bullying ba na iyang ge pang sultie sa akong papa? Ika duha na sulod ba ni sa treate ? Unsai boot pa sabot niya sa kill sign sa akong papa? Ika tulo ATTORNEY pwede ba ko mangayo og tabang sa dswd kai akong mga manghud nga menor de edad naka saksi man sa iyang ge sulti og naka kita sa aksyon nga kill sign?pertie nilang hilak unya mahalok na sila . Kung maka kita sila sa among silingan? Unta ma tagaad nimo akong text ATTORNEY Salamat kaayo daan ..

***

Tubag:

1. Ang legal definition sa bullying sa atong balaod naa makita sa Republic Act No. 10627, ang Anti-Bullying Act of 2013. Apan ang konteksto sa maong bullying mao ang school bullying o naa sa tulunghaan. Sa ato pa, ang gihimo niya sa imong amahan dili masulod sa legal definition sa bullying.

Apan wala na magpasabot nga wala na siyay tulubagon sa balaod. Alang kanako masulod kini sa Vilification of a Disabled Person ubos sa amended nga R.A. No. 7277 (as amended by R.A. No. 9442). Ang maong krimen may multa nga PHP 50,000 ngadto sa PHP 100,000 o pagkabilanggo gikan sa unom ka bulan ngadto sa duha ka tuig o maong multa ug pagkabilanggo sa unang paglapas. Kining maong krimen kay duha man ka tuig ang pagkabilanggo dili na magkinahanglan og Certificate to File Action gikan sa barangay. Pagpatabang sa pulis sa San Fernando aron makaandam mo og complaint o duol mog pribadong abogado.

2. Ang kill sign sa konteksto sa inyong hitabo dili ma-characterize nga threat. Masulod lamang kini siya sa Vilification nga akong gihisgotan sa ibabaw.

3. Mas maayo nga idangop ninyo sa Municipal Social Welfare and Development Office (local DSWD) ang nahitabo sa mga bata kay basin na-trauma na. Kon na-trauma man ugaling, ma-characterize na to ang iyang gibuhat nga child abuse.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.