Brigada Balaod

Saktong pag-compute sa inadlaw nga sweldo

Dear Atty. V,

Ako si ________________, trabahante sa usa ka bakeship. Sa payslip namo 8 to 5 ang oras, PHP 404.00 ang rate. Ang problema kay pa-dutyhon mi og 8 to 4, 7 hours ilang gibutang deduction ug undertime. Sakto ba ni Atty., kada adlaw undertime og 1 hour. Salamat.

Gud pm atty esles ako si ____________ trabahante sa bakeshop sa payslip namo 8to5 ang oras 404 ang rate ang problema nmo kay pa dtyhon rami ug 8to4 7hour ilang gibutang deduction ug undertime sakto ni ba ni atty taga adlaw undertime ug 1hour slamat

*****

Dear ________,

Ang atong balaod tataw kaayo nga ang atong DAILY WAGE tag PHP 404.00 sa mga non-agricultural workers sa Class A locations sa Region VII lakip na ang Metro Cebu.

Ang definition sa “daily wage” mao ang inadlaw nga sweldo. Wala mag-ingon ang balaod nga ang usa ka adlaw otso oras lamang, hinuon kon molapas ang trabaho sa walo ka oras, dapat nga mohatag og overtime pay ang employer. Apan wala kini magpasabot nga kon ang inyong normal nga adlaw sa trabaho pito lang ka oras, pwede mobayad lamang og PHP 353.50 (PHP 404.00/8 x 7). Ang giingon sa balaod adlaw sa trabaho, dili 8 ka oras nga adlaw sa trabaho.

Kon 8 to 5 mo ga-duty, unya ubos sa usa ka oras ang inyong lunch break, naa moy overtime nga one hour matag adlaw.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Walay bayad ang among pagtubag.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.