Brigada Balaod

Divergence sa rules ug actual practice

Dear Atty. V,

Usa ko ka law student ug buot kong magiyahan niining akong kalibog. Irregular law student ko karon sa usa sa mga law schools sa Cebu, ug nagtrabaho isip usa ka call center. Duna man god koy gikiha sa amo probinsya sa lungsod sa ________ Attorney kay giingnan ko nga patuga-tuga og eskwela og law nga hinay mag utok. Daghan mang nakabati ug mi-testify pabor nako. Wala mi mahusay sa barangay ug nakakuha ko og certificate to file action. Mao tong nag-andam ko og complaint ug akong gi-file sa municipal circuit trial court kay slight oral defamation ra man ug dili moagi og preliminary investigation. Apan wala dawata sa korte. Mao tong ako gi-file sa fisc.

Karon Attorney enrolled ko sa Criminal Procedure ug nag-discuss na mi og Rule 110. Ako maoy natawag bahin sa Section 1 mao tong ako gi-explain ang rules, ug nga despite nga sa rules basta dili subject sa preliminary investigation pwede ilargo sa MTC, dunay mga MTC nga dili modawat ini, sama sa MTC sa ___________. Naunsa ba nga perte mang sukoa sa among professor. Nagpataka lang kuno ko. Naghimo-himo kuno kog estorya. Ang akong pangutana Attorney, sakto ba god nga iya kong pakauwawan og ingon ato while on videoconference kuyog ang akong mga classmate? Dili ba sakto man ko nga sa MTC sa ______ dili sila modawat og direct filing? Nganong ingon ato ang kasuko sa akong maestro? Salamat.

***

Dear Law Student,

Sakto ka nga bisan sa rules klaro nga kon dili subject sa preliminary investigation, kon cognizable sa MTC, mahimo kining i-direct filing, apan may mga MTC nga dili modawat og direct filing basta pribado ang reklamante, dili assisted sa mga pulis. I doubt if mapugos pod ang korte pagdawat. Mas dali pa nga mo-file na lang sa prosecutor’s office.

Ang MTC nga imong ginganlan, as far as I know, usa sa mga MTC nga dili modawat og direct filing basta dili assisted by the police.

Ang most likely nga nahitabo niining imong sitwasyon, dili gayod practicing criminal law lawyer ang imong maestro. Kon tinuod siya nga practicing, siya pa gali unta ang mopasabot nga may mga korte nga ingon ana, kay makahibalo man siya. Ang divergence sa theoretical rules nato diha sa mga libro ug sa actual practice mahibaw-an lamang sa mga actual practitioners.

Di ko katubag og nganong ingon ato ang iya g kasuko. Niadtong maestro pa ko, mas malipay man gali ko kon ang akong estudyante mohatag og impormasyon labaw pa sa naa sa libro (basta sakto lang sab) kay kini nagpakita nga wala gilimitahan sa akong estudyante ang iyang pagkat-on diha lamang sa sulod sa classroom.

Ang akong sugyot, aron di na ka makasab-an sa sunod, stick to what are the theoretical rules na lang gyod. Ayaw na na i-mention ang imong nahibaw-an sa unsa gyoy tinuod nga practice, kay di man na practicing ang imong maestro, ug alang kaniya ikaw lamang gyoy sayop.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

2 thoughts on “Divergence sa rules ug actual practice”

  1. maayong gabie kanimo attorney , akong pangutana kabahin sa pagskwela sa akong anak ug kinder .. amoa siyang gi enroll sa skwelahan ug nag skwela na siya ato apan ang problema ky wa siya’y birth certificate . nag ingon ang titser sa amo nga papasahin mi ug birth sa bata ug dili niya ipadayon ug dawat among anak ug dli mi makapasa ug birth pero ga sulod gihapon among anak sa iyang klase . ug nag sige gyud ug attend sa klase among anak ato nga tuiga . karon paghuman sa school year kay wala mi nakapasa ug birth wa niya gipasar among anak . nga mao man kini ang requirements sa maong skwelahan.
    KINDER:
    1. Photocopy ng PSA Birth certificate
    *Kung wala po, pwede rin po ang sumusunod:
    1. NSO Birth Certificate
    2. Local live birth
    3. Barangay certification
    4. Late registration form
    5. Baptismal Certificate
    ang una namong gipasa certificate sa barangay , nag request gihapon siya ug birth . apiki man gud kaau mi ato nga time maong wala gyud namo nalihok ang late registration sa bata ky kulang mi sa kwarta . sunod nagpasa mi ug negative certificate sa bata . pero nganong wala niya gidawat o gi enroll among anak , nga naka hatag man gihapon mi ug requirements para sa bata . unsa bay angay nga buhaton ky na walay bili ang tuig nga pag eskwala sa akong anak atong panahona . nanghinaot ko sa imong giya ug tubag attorney . daghan kaayong salamat daan kanimo . god bless po

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.