Brigada Balaod

Gitamnan og ebidensya sa pulis

Dear Atty. V,

Ako si Rosalie. Ang ako partner notado nga adik sa among lugar apan human nga si Digong na ang Presidente miundang na intawon siya. Aw panagsa matental gyod. Pero di na gyod sama sa una Attorney. Apan naunsa ba nga niadtong unang semana gisulod man mi sa balay Attorney ug gi-ransack mi. Saksi gyod ang Ginoo nga wala gyoy butang ang akong partner. Pero ingon sa mga pulis buy bust daw. Sige lang daw kay maka-plea bargain ra daw. Unya pwede ra mo-probation. Unsa may mahimo nako ani Attorney?

***

Dear Rosalie,

May duha mo ka kapilian: mosukol o mo-plea bargain.

Kon mosukol mo, mas maayo nga mokuha mo og pribado nga abogado. Dili sa pag-unsa sa mga Public Attorney apan perting daghana nilang kaso. Kon naa moy pribadong abogado naay maka-focus sa inyong kaso. Malakip na lang pod nga mo-file mo og planting of evidence batok sa mga pulis. Ang best case scenario ma-acquit ang imong partner ug makombikto ang pulis. Apan mahimo pod nga mabali.

Kon mo-plead guilty pod siya, maka-file siya og probation ug dunay dako kaayong tsansa nga ma-grant. Apan mao pod lagi, mogara tog samot ang pulis nga nagtanom sa iyaha og ebidensya.

Ultimately, ang imong pangutana magbase sa imong risk assessment ug sa imong resources, dili lang sa mga puntong legal.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.