Brigada Balaod

Overtime pay

Dear Atty. V,

Mangutana lang unta ko kon mamahimo diay nga wala mi-overtime? 8 A.M. to 8 P.M. mi Atty. Then ang rason sa among amo kay small company ra daw sila then broken time sad daw. Naa ko sa usa ka letsonan Atty. Manghinaot ko sa imong maayong response Atty. Daghang salamat.

***

Dear Sir,

Dili rason nga di required mobayad og overtime pay abi kay gamay nga company. Apan kon registered nga barangay microbusiness enterprise (BMBE) mahimong ang sweldo mas ubos sa minimum wage (PHP 404.00 matag adlaw sa mga non-agricultural workers sama nimo sa Class A areas sa Region VII lakip na ang Expanded Metro Cebu). Sa ato pa, kon sumadahon, nabayran gihapon ang overtime pay.

Kon broken time mo, dili required nga mobayad og overtime pay kon ang actual time of work ug ang time suffered to work dili molapas og otso oras sa usa ka adlaw. Ang time suffered to work mao nang oras nga anytime pwede ka ipatawag sa amo aron motrabaho. Bisan kon actually wa ka mag-work, considered na nga worked time kay di man nimo kontrolado ang imong oras (pananglitan pwede ka kasab-an o potbolon kon dili ka mobarog dayon). Kon molapas og 8 ka oras, dapat may overtime pay ka sa lapas sa 8 ka oras.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.