Brigada Balaod

Gisamokan sa asawa sa manghod

Dear Atty. V,

Ako si Billie. Ang akong problema kabahin ning asawa sa ako manghod. Tua man god sa gawas sa nasod nagtrabaho ang ako manghod Attorney. Maong kami gyoy nakahibawo unsay kabuang aning amo sister-in-law. Gipasagdan lang ang iyang mga bata, lakip na ang anak sa among manghod. Unya daghan kaayong kainom nga lalaki. Karon tan-aw namo mabdos pero sure gyod mi nga dili ni sa among manghod kay wa pa man kauli ang among manghod sukad niadtong Nobiyembre 2019. Unsa may angay namong buhaton niini? Salamat

****

Dear Billie,

Sa pagpasagad sa anak sa imong sister-in-law sa laing lalaki, mahimo kini ninyong idangop sa DSWD aron sila na ang mangitag paagi niini. Dili man na ninyo ig-unsa busa wala mo sa posisyon nga mopasaka og kaso.

Sa inyong pag-umangkon, pwede mo mopasaka og child abuse.

Kabahin sa pagmabdos sa imong sister-in-law, ang katungod nga mokwestyon niana ang imong igsoon. Wala moy katungod. Kana maoy stance sa atong balaod bahin anang butanga. Busa pasabta ang imong igsoon sa hitabo apan kon dili siya mokihol wala kay mahimo.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.