Brigada Balaod

Gikiha sa miapil sa challenge sa Facebook

Dear Atty. V,

Diri lang ni nako ipaagi sa Facebook ang ako concern kay bahin pod ni sa Facebook. Last week man god miapil ko sa #wag_kalimutan_yung_binulsang_15billion_sa_philhealth_challenge. Para god nako sakto ra pod ng hinumdoman ta to kay mora mag gigamit ang isyu sa dolomite sand aron matabonan ang maong isyu.

Ang wa nako mabantayi naa diay koy silingan nga akong friend sa Facebook nga nasakitan kay trabahante sa PhilHealth. Naunsa ba nga gipatawag man nuon kos barangay Attorney, ug next Friday (October 2) ang among hearing. Online libel ang gipasaka nako. Ang akong pangutana Attorney, atubangon ba ni nako didto sa barangay? May libel ba god to ako gi-post? Salamat. Mao diay ni ang ako gi-post: ___________

***

Dear Facebook User,

Bisan kinsa nga makakita sa challenge, nakahibalo nga ang gipasabot nga iuli mao ang 15 bilyones nga na-release ngadto sa mga ospital nga wala sunda ang atong accounting guidelines. Sa ato pa, walay defamation nga nahitabo, ug kon duna man, dili ang ordinaryong empleyado sa PhilHealth ang gi-defame. Ka-sensitive ba pod anang inyong silingan. Mora mag may personal siya nga kalabotan anang pagkawala sa 15 billion.

Dili ka kinahanglang moadto sa barangay kay ang online libel gawas na na sa jurisdiction sa Katarungang Pambarangay. Sulati ang kapitan/lupon og pasabta.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.