Brigada Balaod

Gibawsag kiha

Dear Atty. V,

Ako si Rommel, konsehal ko sa among barangay. Ako maoy chair sa peace and order so apil kos nagpatrol dihang may nakit-an ming medyo hubog nga naglakaw-lakaw walay facemask so amo gidakop.

Gikiha na man hinuon mi og grave threats kay gitionan kuno namo og armas. Mahimo diay na Attorney?

****

Dear Rommel,

Normal ra gyod na nga mobawos og kiha ang ang atong dinakpan. Busa tubagon mo lang na ang kiha.

Ang pagtion sa armas, kon mao lamay gibuhat, dili Grave Threats kondili Other Light Threats lang. Sa akong opinyon, angay moagi sa barangay conciliation proceedings ang maong kaso kay bisan tuod chair ka sa peace and order, dili man gyod na kabahin sa imo trabaho ang pagpatrol. Sa tanod man na. Sa ato pa wala kay official duty dihang nahitabo to.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.