Brigada Balaod

Pabayron sa expired nga tambal

Dear Atty. V,

Naa lang unta koy pangutana Sir kay ang ako maguwang Sir nagtrabaho og pharmacy then mag-7 years naman seguro siya Sir. Tapos sa wala pa mag-lockdown iyaha duty 5 AM to 10 PM then PHP 400.00 ang adlaw. Then karon Sir ang mga expire nga tambal sila ang pabayaron. Ug naka-day off siya tapos ang nahabilin sa pharmacy ma-short apil siyas bayad. Ang akong pangutana Sir, may makuha ba siya sa iyang overtime? Sakto ba nga pabayron sila sa expired nga tambal? Angay na siyang pabayron sa short sa tindahan bisag wala siya mag-duty? Salamat si Emil ni.

***

Dear Emil,

Kon tinuod nga nagtrabaho o suffered to work na siya gikan alas singko sa buntag hangtod alas diyes sa gabii, nan angay siya tagaan sa overtime pay. Sugod niadtong Enero 5, 2020, tag PHP 404.00 na ang minimum daily wage. Sa ato pa sa wala pa kining petsaha ang sobra sa PHP 386.00 nga maoy prior minimum daily wage ihapak sa overtime pay. Ang overtime pay lang usab tulo ka tuig sa wala pa ma-file ang kaso ang makolekta.

Para nako sayop pod nga siya maoy pabayron sa expired nga mga tambal ug nga pabayron siyag apil sa short bisag wala siya mag-duty. Katong mga nabayad na niya mahimo niyang makolekta og balik.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published.

This site uses Akismet to reduce spam. Learn how your comment data is processed.