Brigada Balaod

Gipasaylo na sa babaye

Dear Atty. V,

Tawga lang ko sa ngalan nga Franklin. Call center agent ko sa una sa Cebu City apan nagtago-tago na ko karon human naisyuhan og warrant. Duna man god mi naka-group sex sa una Attorney unya ambot atong bayhana nga dihang nakauyab mikalit mag file og kaso. Wala pa gyod mi gitarongan og padala og subpoena. Gituyo og sayop nga address ang gibutang bisan kon nakahibalo gyod siya sa sakto namong mga adres. Diha na mi nakahibawo dihang mialerto sa akong amahan ang warrant server sa police station namo.

Karon mi-reach out mi niya Torni. Ok ra niya withdrawhon ang kaso pero tua siya sa Mindanao ug dili siya kalabang tungod sa pandemiya. Ang akong pangutana, ma-withdraw ba niya ang kaso bisag tua ra siya didto kon iya lang sulatan ang korte? Salamat.

***

Dear Franklin,

Kay naa na man na sa korte ang inyo kaso, ultimately ang korte nay mo-decide ana i-dismiss ba o dili. Ang unang prinsipyo mao kini: dili ka kapangayo og bisan unsa sa korte kon dili ka mosurender o madakpan kay wala pa may jurisdiction ang korte sa imoha.

I doubt if i-dismiss pod sa korte ang kaso pinaagi lamang sa iyang sulat. Kinahanglan siya ibutang sa witness stand kay kinahanglang tinuon sa korte kon boluntaryo ba gyod ang iyang pag-atras sa kaso. Mahimo pong ma-dismiss ang kaso kon magsugod na ang hearing unya padayon siyang dili mobutho.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.