Brigada Balaod

Milabaw ang giangkon sa silingan

Dear Atty. V,

Ako diay si Jackie. Ang akong problema kabahin sa yuta nga among napalit sa akong bana. Actually duha mi ka managtiayon ang nagbahin pagpalit aning usa ka yuta, 200 square meters so tag 100 square meters unta mi. Una silang miokupar og nagpahimo sila og balay. Karon kay buot unta namo nga buakon ang titulo unya gikinahanglan man ang survey so amo gipa-survey. It turned out milapas ang ila gitarok nga balay og bali 14 square meters. Ang ako pangutana, Attorney, mahimo ba namong ma-recover ang among 14 square meters? Kinsa may mobayad sa pagpaguba sa milapas nga porsyon sa ila balay? Salamat kaayo Attorney.

****

Dear Jackie,

Tungod kay nasulod man to sa inyo property line, mahimo gyod ninyo i-recover ang 14 square meters, pero sundon nato ang balaod sa maong sitwasyon.

Tungod kay in good faith man ang pagpahimo nila sa ilang balay, builder in good faith sila. Ubos sa atong balaod, kon ang builder in good faith, ang landowner may duha ka option, either ibaligya niya ang yuta nga gi-occupy apan dapat ang presyo mas ubos sa balor sa improvement, o iyang bayaran ang improvement ug maiya na kini.

Sa unang option, kon mas dako ang offer ninyo sa yuta kas value sa improvement, dili mo makapugos. Hinuon mahimong paabangon na lang ninyo; ug di magkasabot sa abang adto sa korte husayon.

Sa ikaduhang option, hangtod bayaran ninyo, magpabiling ilaha ang ownership ug possession sa maong porsyon.

Timan-i nga wala sa inyong opsyon nga inyong pugson ang inyong silingan sa pagpaguba sa iyang property. Kon inyo silang bayran, nan kamoy mogasto sa pagpaguba.

On a practical note, mas maayo tingali ibaligya na lang na ninyo. Malikayan pa ninyo ang panag-away sa silingan.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.