Brigada Balaod

Prutas nabun-og sa bus

Dear Atty. V,

Tawga lang ko sa ngalang Ellaine. Naa gyod ko nagtrabaho sa gobyerno apan karong pandemic, nangyawat sab tawon ko nga madugangan ang akong gamayng kita mao nga dihang may oportunidad sa pagpalit og mga prutas sa probinsya namo, ako gipangitaan og buyer diha sa Dakbayan sa Sugbo. Mao tong naa koy nakit-ang buyer ug nagkasabot na mi nga iyang bagaton sa biyahe sa _________ ang mga prutas. Human niya madawat ang prutas iya ipadala ang bayad.

Ang problema Attorney, bun-og na kuno ang mga prutas pag-abot niya. Iya ko gisendan og mga pictures. Apan dihang amo gitawagan ang helper sa bus nga amo ra pod kaila, dili pa kuno bun-og ang mga prutas pagdiskarga nila.

Ang akong pangutana karon Attorney, kinsa man gyoy angay manubag nila? Ang bus o ang mopalit unta? Kang kinsa man ko mangolekta sa gasto nako sa prutas? Salamat.

***

Dear Ellaine,

Ultimately, question of fact kini kon unsa ba gyoy sitwasyon sa mga prutas dihang gidiskarga kini sa helper sa bus.

Ang Article 1733 sa Civil Code nagkanayon nga tungod sa klase sa negosyo ug alang usab sa proteksyon sa publiko, ang mga common carrier sama sa mga bus lines gikinahanglan nga dunay extraordinary diligence sa ilang pagbantay sa mga goods nga ilang i-transport. Matod usab sa Article 1736 sa Civil Code ang maong vigilance sukad sa pagsurender sa tag-iya sa possession sa mga butang hangtod actually nahatod sa consignee.

Sa ato pa, kon tinuod nga ang bus line maoy nakabun-og sa mga prutas, naa sa ila ang obligasyon.

Apan ang pangutana usab, nganong gidawat man sa consignee ang mga prutas kon nabun-og na gyod kini?

Busa, ultimately, question of fact unsa gyoy nahitabo.

Ang akong isugyot, ikiha na ang buyer ug ang bus lines. Ang korte nay modesider kinsa kanila ang angay pabayron.

Hinaot nakatabang kini kanimo.

– Atty. V

(DISCLAIMER: Ang tagsulat abogado sa usa sa mga bus lines sa Sugbo.)

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.