Brigada Balaod

Mibutho og balik ang pulis

Dear Atty. V,

Akusado ko sa kasong drugs. Sec. 5. Gamay ra, 0.02 grams ang gitanom sa mga pulis. Mi-file ang Public Attorney og petition for bail. Pila ka settings wa mo-appear ang pulis, stricken off the record ang iya testimony, gi-grant sa huwes ang pyansa. Mao to nakapyansa ko. Sus kay na-elected man si Duterte ug miestrikto ang prosecution sa drug cases. Karon Torni kay gibalik siya sa witness stand. Giingnan nako ang ako abogado nga objecan. Nakahuman man god sad kog abogasiya Torni wa lang gyod palara nga makapasar bisag kapila na ko mi-take. Para nako dapat di na to i-present ang pulis kay di ba automatically incorporated man to sa main trial ang bail hearing. Mao to nasuko nuon ang PAO ug mi-withdraw sa kaso. Ang ako pangutana Torni, di ba sakto man ko nga dapat di na i-present ang maong pulis? Second, sakto ba nga i-dismiss ko sa PAO ug papangitaon kog private nga lawyer?

Salamat kaayo.

***

Dear Barrister,

Actually ang giingon sa Section 8 sa Rule 114 sa Rules of Court mao kini: The evidence presented during the bail hearing shall be considered automatically reproduced at the trial, but upon motion of either party, the court may recall any witness for additional examination unless the latter is dead, outside the Philippines, or otherwise unable to testify.

Bantayi nga walay gibutang nga restriction unsay rason nga i-recall ang witness; sa ato pa pwede ra gyod i-recall ang witness for the main case bisan pa kon na strike off the record ang iya testimony sa bail hearing. Hinumdomi usab nga ang purpose sa bail hearing para ma-establish sa prosecution nga ang evidence of guilt is strong. Sa ato pa wala siyay obligasyon nga i-present ang tanan ug mahimo gyong i-recall.

Sa imong pangutana kon sakto ba ang gibuhat sa PAO, para nako sakto. Kay nakiglalis na man kas imo abogado. Kon duna kay question sa iyang competence, valid ground gyod na para i-sever niya ang inyo attorney-client relationship.

Duol na lang sa Integrated Bar of the Philippines basin matagaan kag manlalaban in case dili ka ka-afford og private lawyer.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.