Brigada Balaod

Away sa trabaho

Dear Atty. V,

Pasensya na gyod Torni nga gipaagi ko ni diri sa imo personal nga Facebook account kay naa man goy video nga makatabang gayod sa pagpasabot unsay nahitabo. Mao ni ang video nga naka-attach Attorney.

Kanang upaw nga nag-yellow mao na ang supervisor sa ako bana. Wala baya gayod untay labot sa away ang ako bana apan kay grabe na pod nangasaba ang supervisor iyang giingnan nga nganong dili man tarongog sulti nga mga propesyonal man unta sila. Kanang nag-itom nga mibarog mao na ang akong bana. Mao nang nasuko ang supervisor og gidapog siya. Mikiha na mis barangay ug naa nay hearing next week. Mibalos ni ang supervisor ug gipasuspendo ang akong bana. Karon kunong Lunes, Septiyembre 14, ang sugod sa suspension. Ang ako pangutana Attorney, makataronganon ba ang pagsuspenso sa akong bana? Unsa may iyang mahimo?

– Grace

*****

Dear Grace,

Kon kini lang video ug ang imo estorya ang basehan, dili gyod makataronganon ang pagsuspenso sa imong bana. Bisan kon giila sa balaod nga ang management may katungod sa pagsuspenso gikan sa trabaho sa usa ka trabahante, kining maong katungod limitado usab sa atong mga balaod. Sama sa termination ug uban pang disciplinary actions, kinahanglan dunay substantive ug procedural due process. Ang substantive due process nga dunay igong rason. Ang procedural due process nga gisunod ang proseso ug gitagaan ang imong bana og oportunidad pagpasabot unsa gayoy nahitabo. Bisan kon nasunod pa ang procedural due process, walay substantive due process dinhi.

Busa ang mahimo sa imong bana mao ang pagpasaka sa kaso ngadto sa Regional Arbitration Branch sa atong National Labor Relations Commission. Mahimong kwestiyonon didto ang desisyon sa iyang gitrabahoan.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.