Brigada Balaod

Dili iuli sa abogado ang mga dokumento

Dear Atty. V,

Tawga lang ko sa ngalang Georgia. Usa ko sa grupo sa mag-agaw nga mikiha sa laing grupo sa amo ra pong mga ig-agaw tungod lagi sa binahinay sa kabtangan. Karon Attorney kay nagduda na man ko ning akong ig-agaw nga si Michael nga mao gyoy nakig-deal aning abogado ug sa abogado mismo. Buot unta nakong mobalhin og laing abogado apan ang akong mga gipangduol mo-demand man nga kuhaon usa nako ang mga dokumento gikan kang Atty. _____. Apan di man niya iuli Attorney? Unsa may angayan nakong buhaton?

****

Dear Georgia,

Kon ang imong ig-agaw nga si Michael maoy nakig-deal sa maong abogado, nan tataw nga si Michael maoy kliyente sa maong abogado. Dili mag-matter nga ikaw ang nagbayad o nag-provide sa mga dokumento sa determinasyon kinsay kliyente. Ang kliyente kadtong mikuha sa serbisyo sa abogado. Tungod kay si Michael man ang mikuha sa serbisyo ni Atty. _____, siya ang kliyente ni Atty. _____. Wala kay katungod nga mo-demand gikan kaniya nga iuli ang mga dokumento kay dili man ikaw ang kliyente niya.

Kon sa pagtuo nimo angayan gayod nga iuli niya sa imo ang maong mga dokumento, mahimo kang mo-file sa kaso nga gitawag replevin. Pero sa akong tan-aw dili mosalir ang maong kaso.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.