Brigada Balaod

Gi-detain ang motor

Dear Atty. V,

Dili na lang gyod unta ko magsinamok sa inyong newspaper apan ikauwaw ko man, nalugi gyod ko og maglisod kog duol og abogado. Ang ako man god problema, duna koy giabangan nga apartment unya sukad pag-COVID wala na gyod ko kabayad. Miuli kos probinsya gamit ang akong awto. Nadala nuon nako ang akong mga importanteng butang except ang motor. Wala miy written contract sa tag-iya sa apartment, apan mi-text ko niya pagbiya nako nga sa March na lang ko taman, ug nga ang akong one month deposit akong ihapak sa unsa may damage sa apartment. Ug nga ako lang usa ibilin ang motor kay unsaon man nako pagdala ang awto ug motor at the same time. Ako gibilin sa in-charge ang yawe. Niadtong nag-MGQC na ang Cebu City, miadto ko sa apartment kay ako. Wala daw niya madawat ang text ug wala pod daw mo-inform niya ang in-charge nga giuli nako ang yawe. Gipatawag ang in-charge ug mi-claim nga iyang gipahibawo ang tag-iya niadto gyong Sabadoha human nako gisurender ang yawe. Karon Attorney kay dili i-release sa tag-iya sa apartment ang motor kay wala kuno ko mobayad sa akong abangan gikan Abril ngadto Agosto, nga mokabat og 50 mil. Didto kos barangay apan miingon sila nga di sila manginlabot kay private matter kuno. Ang akong mga pangutana Attorney, sakto ba ang akong landlord nga gi-hold ang akong motor? Kinahanglan ba ko mobayad sa abangan gikan Abril ngadto sa Agosto? Daghang salamat, si Bernard ni.

****

Dear Bernard,

Kay wala man moy kasulatan, walay lessor’s lien ang tag-iya sa apartment. Sa ato pa, dili siya ka-detain sa motor tungod lang kay wa ka kabayad sa abang.

Kay wala man moy kasulatan, ang term sa inyong contract base sa inyong binayranay. Kay monthly man, sa ato pa monthly ang term. The moment nga mipahibawo ka nga mobiya na ka, humanon mo na lang ang buwan.

Dunay legal ug factual issue kon effective ba ang imong notice pagputol sa kontrata. Kini husayon sa korte. Kon akoy imong pangutan-on, effective kini; sayon ra kaayo pag-ingon sa tag-iya nga wala siya kadawat og notice. Apan ang iyang enkargado miangkon nga nakadawat sa yawe. Angay nga moadto sa korte ang tag-iya pagprobar nga walay notice gikan nimo.

Sulayi pagduol sa Public Attorney’s Office basig mo-qualify ka. Kon mokuha kag pribado nga abogado madak-an ka. Unya pila ra man tawoy value sa motor? Although pwede ang korte mohatag og attorney’s fees, alkansi gyapon ka.

Hinaot nakatabang kini kanimo.

– Atty. V

**

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.